កម្មវិធីវិភាគកំណត់ហេតុព្រឹត្តិការណ៍ផ្តល់ការគ្រប់គ្រងកំណត់ហេតុដែលបូកបញ្ចូលអ្វីគ្រប់យ៉ាង ដោយមានវិធីសាស្ត្រប្រមូល កំណត់ហេតុដោយមានទីភ្នាក់ងារ និងគ្មានទីភ្នាក់ងារ ការញែកកំណត់ហេតុតាមតម្រូវការ ការវិភាគកំណត់ហេតុពេញលេញជាមួយរបាយការណ៍ និងការជូនដំណឹង កម្មវិធីស្វែងរកកំណត់ហេតុដ៏មានអនុភាព និងជម្រើសទុកកំណត់ហេតុក្នុងប័ណ្ណសារប្រកបដោយភាពបត់បែន។
កម្មវិធីវិភាគកំណត់ហេតុព្រឹត្តិការណ៍អនុញ្ញាតអ្នកឲ្យធ្វើសវនកម្មម៉ាស៊ីនមេកម្មវិធីដែលសំខាន់ខ្លាំងទាំងអស់របស់អ្នក។ ជាមួយនឹងរបាយការណ៍ដែលបានកំណត់ជាមុនសម្រាប់កម្មវិធីដែលបានរាយឈ្មោះនៅទីនេះ ដំណោះស្រាយក៏អនុញ្ញាតឲ្យអ្នកពិនិត្យតាមដាន កម្មវិធីតាមតម្រូវការផងដែរ។ កម្មវិធីញែកកំណត់ហេតុតាមតម្រូវការដ៏មានអនុភាពរបស់វាធ្វើឲ្យអ្នកអាចញែក និងធ្វើឲ្យទម្រង់កំណត់ហេតុតាមតម្រូវការមានសុពលភាពបានយ៉ាងងាយស្រួលផងដែរ។
កម្មវិធីវិភាគកំណត់ហេតុព្រឹត្តិការណ៍ពិនិត្យតាមដានឧបករណ៍បណ្តាញសំខាន់ៗរបស់អ្នកទាំងអស់ ដូចជាជញ្ជាំងភ្លើង រ៉ោតធើ និងកុងតាក់របស់អ្នក។ ដំណោះស្រាយនេះផ្តល់នូវរបាយការណ៍ដែលបានកំណត់ជាមុនសម្រាប់រ៉ោតធើ និងកុងតាក់ Cisco របស់អ្នកទាំងអស់ ក៏ដូចជាជញ្ជាំងភ្លើងមកពី Cisco, SonicWall, Palo Alto Networks, Juniper, Fortinet, NetScreen, Sophos, Check Point, WatchGuard និង Barracuda ផងដែរ។
កម្មវិធីវិភាគកំណត់ហេតុព្រឹត្តិការណ៍ធ្វើឲ្យអ្នកអាចគោរពតាមយ៉ាងងាយស្រួយទៅនឹងគោលនយោបាយបញ្ញត្តិកម្មនានា គឺថា PCI DSS, ISO 27001, GLBA, SOX, FISMA, HIPAA និងគោលនយោបាយ GDPR ដែលបានបង្កើតថ្មី ។ ដំណោះស្រាយនេះអនុញ្ញាតបន្ថែមតទៅទៀតឲ្យមានតម្រូវការនាពេលអនាគតដោយធ្វើឲ្យអ្នកអាចបង្កើតរបាយការណ៍អនុលោមភាពតាមតម្រូវការសម្រាប់គោលនយោបាយអនុលោមភាពថ្មី។
ជាមួយការគ្រប់គ្រងកំណត់ហេតុគ្រប់ជ្រុងជ្រោយរួមបញ្ចូលគ្នាជាមួយ លក្ខណៈពិសេសសន្តិសុខដ៏ធំទូលាយ កម្មវិធីវិភាគកំណត់ហេតុព្រឹត្តិការណ៍ គឺជាវេទិកា SIEM ដ៏ល្អឥតខ្ចោះសម្រាប់បណ្តាញរបស់អ្នក។ លក្ខណៈពិសេសសន្តិសុខដូចជាកោសល្យវិច័យកំណត់ហេតុ ចំណេះអំពីការគំរាមកំហែង ការបន្ធូរបន្ថយការគំរាមកំហែងពីខាងក្រៅដោយការធ្វើសវនកម្មទៅលើឧបករណ៍ស្កេនភាពងាយរងគ្រោះ និងកម្មវិធីគំរាមកំហែង ធ្វើឲ្យដំណោះស្រាយនេះជាជម្រើសដ៏ប្រពៃ ដើម្បីរក្សាបណ្តាញរបស់អ្នកឲ្យមានសន្តិសុខ និងការពារវាប្រឆាំងនឹងការព្យាយាមបំពានមិនជាទីចង់បាន និងការលួចទិន្នន័យដ៏ធ្ងន់ធ្ងរ។
កុងសូលសម្រាប់រាយការណ៍របស់កម្មវិធីវិភាគកំណត់ហេតុព្រឹត្តិការណ៍មានភាពងាយស្រួលយល់ និងងាយប្រើប្រាស់យ៉ាងខ្លាំង ដោយមានរបាយការណ៍ដែលបានកំណត់ទុកមុនរាប់រយ ដើម្បីបំពេញបានទៅតាមតម្រូវការសវនកម្មរបស់អ្នកទាំងអស់ ដែលអាចត្រូវបានធ្វើតម្រូវតាមតម្រូវការ កំណត់កាលវិភាគ និងចែកចាយតាមដែលអ្នកត្រូវការ។ របាយការណ៍នេះគ្របដណ្តប់យ៉ាងទូលំទូលាយគ្រប់ជ្រុងជ្រោយលើបណ្តាញ រួមមាន Windows, Unix/Linux, IBM AS/400 វេទិកាបណ្ដាញសមូហកម្ម ប្រព័ន្ធគ្រប់គ្រងភាពងាយរងគ្រោះ និងឯកសារ និងសឺមីសំខាន់ខ្លាំងរបស់អ្នក។